VBC-Halten

Saisonschlussbericht April 2014 PDF Drucken E-Mail
Geschrieben von: Tobias Schmid   
Freitag, 18. April 2014 um 09:46 Uhr
So, üsi Saison 2013/14 ir Herre 3. Liga isch verbi.

Ds Resultat gseht so us

Rangliste Herren Saison 13/14

Obwou mir ir Vorbereitig im Training nie aui si gsi, u mir a de Mätsche im Normaufau 6 oder 7 Spieler si gsi, hei mir üs super gschlage.
Üses Team, wo vom Jüngschte (knapp 20 jährig) bis zum Eutischte (knapp 49 jährig) sehr dürmischt isch zämegsetzt gsi, het sich während dr Saison sehr schnäu gfunge u när würklich guets Volleybau gspiut.

Hie wett ig am Fäbu ganz äs grosses Merci usspräche. Är het scho letscht Jahr d’Dame zum Ufschtieg gfüehrt u ou i dere Saison het är aus Trainer, Coach u Passör absolut erfougrich abgschlosse. Mir chönnte sogar i d 2. Liga ufschtige, aber das wei mir nid, da mir weder gnue Spieler si, no so agfrässe, dass mir viu meh i üser Trainings wette stecke.

Mir hei üse Erfoug bimene feine Mannschaftsässe bi Gärbers gfiiret (schad isch dr Kuno i de Ferie gsi...) u hoffe, dass mir für di nöii Saison no äs paar zuesätzlechi Spieler chöi motiviere bi üs mit z’mache.

Itz wünscheni aune gueti Gsundheit u für di nächschti Saison viu Erfoug.
Villicht hei mir ja denn sogar üser nöiie Trainer ;-)

Ä liebe Gruess
Hene, the old man
Zuletzt aktualisiert am Freitag, 18. April 2014 um 10:07 Uhr
 
Rückblick auf die Vorrunde PDF Drucken E-Mail
Geschrieben von: Tobias Schmid   
Sonntag, 15. Dezember 2013 um 12:26 Uhr
Die Vorrunde ist mit dem Match vom 02.12.2013 bereits vorbei. Leider konnten wir keine Erfolgserlebnisse feiern. Es war hart für uns, denn von der letzten Saison waren wir uns schon fast ein Dauersiegen gewöhnt. Leider konnten wir diesen Erfolg nicht mit in diese Saison nehmen. Bei einigen Matches fehlte uns aber einfach auch das bisschen Glück. Die harte Bilanz sieht so aus, dass wir leider nur 2 Punkte ergattern konnten. Und diese Punkte haben wir im Match gegen Utzenstorf und Buechibärg geholt. Die restlichen Mätche verliefen leider entweder 0:3 oder 1:3. Wir haben selten unser Topniveau gezeigt und die vielen verlorenen Mätche haben an unserem Selbstvertrauen genagt.

Zum Glück gibt es jetzt aber noch gegen jede Mannschaft eine Revanche. Und in diesen Revanches werden wir unseren Gegnern doch zeigen, dass wir mehr drauf haben, als sie erwarten.
 
Matchbericht Herren PDF Drucken E-Mail
Geschrieben von: Tobias Schmid   
Dienstag, 10. Dezember 2013 um 09:11 Uhr
Matchbericht: 7.12.2013 VBC Herzogenbuchsee vs. VBC Halten (3:1)

Im Spitzekampf si mir leider mit 3:1 ungerläge, aber äs isch absolut ä coole Mätsch gsi. Beid Mannschafte hei geng wieder ufeme Top-Niveau gspiut u zwüschine hei mir Bäu abebrätschet, dasses nume so klepft het
Herzogebuchsee het ganz eifach z'grössere u breitere Kader gha aus mir u so isch ihre Sieg am Schluss sicher verdient gsi. Aber mir hei gseh, dass mir henne nach dran si u das laht doch für d'Zuekunft no uf mänge Sieg hoffe...

Schad, si nid meh cho luege. Merci Silke, dass du immer wieder chunnsch u o ganz äs grosses Merci a Tino, dass du, wenn du chasch, a d'Mätsche chunnsch, damit mir ä Resärvespieler füre Notfau hei.

Itz hei mir am Mittwuch no dr letscht Mätsch i däm Jahr. Mir spiele deheime u hoffe, dass mir villicht wieder meh Ungerstützig vo näbem Fäud bechöme.

Häbit aui nones schöns Wucheänd une liebe Gruess
Hene, the old man
 
Gratulation PDF Drucken E-Mail
Geschrieben von: Tobias Schmid   
Donnerstag, 28. November 2013 um 09:56 Uhr

Der VBC Halten gratuliert Ursi Lanz-Schnyder und ihrem Mann Jan zur Geburt ihrer Tochter Louisa.

Wir wünschen Euch und Eurem kleinen Sonnenschein alles Liebe und Gute!

Zuletzt aktualisiert am Donnerstag, 28. November 2013 um 09:59 Uhr
 
Matchbericht Herren PDF Drucken E-Mail
Geschrieben von: Tobias Schmid   
Donnerstag, 28. November 2013 um 09:52 Uhr

Matchbericht: 22.11.2013 Volley Solothurn 2 vs. VBC Halten (1:3)

So, i möcht hie dr erscht Mätschbricht vo de Herre schribe.

Mir si am Donnschti pünktlich ir Haue ds Solothurn erschine. Mir, das si di 3 Chnöipatiänte (Bibs, Kuno u Hene) plus 3 gsungi Spieler gsi. Dir gseht auso, mir hei henne viu Lüt uf dr Resärvebank gha ;-)
Mir hei ersch am viurtu vor Achti i d Haue chönne (20.15 Uhr hät dr Mätsch söue afa...) u hei ir Herregarderobe so wenig Platz gha, dass mir i d Damegarderobe usgwiche si.

Mir hei üs ufgwermt u igspiut u mit 5 Minute Verspätig het de dr Mätsch agfange. Churz vor Afang hei mir de doch no wenigschtens uf dr Fän-Site Versterchig becho. Ds Nini isch üs cho ungerstütze ;-)
Merci viu Mau!!!

Dr Afang isch so chlei hin und här gange. Wach si irgendwie beid Mannschafte no nid gsi, bis plötzlich Solothurn uf 19:11 dervozoge isch. Üser Chöpf si ghanget u i ha mir übheierleit, ob äch üser Herre meh a dä schön BH ir Garderobe dänkt hei, aus a Volleybau ufem Spiufäud ;-)
Uf au Fäu hei mir aber nid ufgäh, si bis uf 4 Pünkt härecho – Timeout. Da hani när nume no gseit... gäht Gas, mir mache üse Gägner eifach no chlei närvös. U was isch passiert?
Mir hei dr Satz no 25:23 gwunne!!! Fragit aber weder dr Gägner no üs, wie dass das gange isch...

Dr zwöti Satz isch chlei ähnlich verlüffe. Beid Site hei Löcher gha u di meischti Zyt isch Solothurn vor gsi, aber am Schluss hei mir eifach wieder chlei meh Glück u Durchschlagsvermöge gha, so dass mir ou dä Satz 25:23 gwunne hei.

Relativ früeh im dritte Satz hani ä Bau vore, ungerem Netz wöue rette u bi leider derbi vou uf mi verletzt Meniskus gheit. Humpel, humpel, sofort äs Timeout näh u hoffe, dass i cha witerspiele. Mir hei abgmacht, dass dr Fäbu ke Pass meh uf mi spiut u hei versuecht über d’Rundi z’cho. Irgendwie het üs das aber äue doch chlei dürenang bracht, so dass mir dä Satz 20:25 verlore hei.

Ds coole a üsere disjährige Mannschaft isch aber, dass mir eifach witerkämpfe, so dass mir dr viert Satz, wieder nach heftigem Hin und Här 25:23 gwunne hei ;-)

Dir gseht, im Gägesatz zu de Froue hei mir im Momänt ds nötige Wettkampfglück u si dür das ganz wit vore ir Tabäue.

Giele, äs fägt eifach i dere Mannschaft u ig hoffe, dass mir gnue Lüt hei, so dass mir die Saison würklich o bis am Schluss chöi spiele!

U de Froue wünscheni für hüt Nami „Potz hei!“ u löht Solothurn 4 ändlich mau abe!!!

Ä liebe Gruess
Hene, the old man

 


JPAGE_CURRENT_OF_TOTAL

Wer ist online

Wir haben 5 Gäste online

Sponsoren


Anmeldung

Du bist hier : Start