VBC-Halten

Matchbricht Nr. 3, 29.10.2014 PDF Drucken E-Mail
Geschrieben von: David Schumacher   
Donnerstag, 30. Oktober 2014 um 07:55 Uhr

Gägner: Solothurn

D’Vorzeiche si nid unbedingt super gschtange. Mir hei gäge Solothurn ä Vorbereitigsmätsch gspiut u 3:0 verlore u mir hei gwüsst, dass mir wieder nume 6 Spieler si, da dr Kuno i de Ferie isch u dr Tino leider immer no chrank isch.

Aber mir sis ja vo letscht Saison gwöhnt gsi, dass mir mängisch nume sehr weni Spieler si u so hei dr Bibs, dr Chrigu, dr Hene, dr Fäbu, dr Sämu u dr Schumi sich super igspiut (dr Sämu isch zum Glück nid so spät cho wi befürchtet :-)   ) u bim Ischlah hets nid so schlächt usgeh.

Dr Bibs het bim Dress uf ds Nr. 1 gwächslet, werum tueni da itz nid erörtere..., u dr  Fäbu het nachem uslösle usnahmswiis mau dr Service gwäut. Was das bracht het?

Mir hei dr erscht Satz absolut dominiert, hei wahnsinns Bäu grettet, super agriffe u drum klar 25:17 gwunne :-)

Dank üsne Suporterinne Nini u Silke hei mir ou im zwöite Satz nid nahglah u o dä ganz klar 25:18 gwunne!

Im dritte Satz si mir klar vor gsi, hei när plötzlich üses berüchtigte Hauteloch gha, so dass dr Gägner uf 19:20 isch häre cho. Dr Fäbu het äs Timeout gno u bim Witerspiele isch klar gsi, dä Service muess cho. Wär isch dran gsi? Dr Sämu! Da dr Hene „befohle“ het, dass ä subere Service müess cho, het das dr Sämu natürlich suverän befougt, ä super Service gmacht u o dr nächscht Punkt no grad gmacht. Mir hei zwar scho chlei zitteret, aber hei doch dr dritt Satz no 25:22 gwunne!

I gloube, dass i darf säge, dass dr Fäbu dr geilscht Smäsch vom Abe gliferet het ;-)

Dr Bibs het ir Mitte suber azoge, dr Block het zu ihm gschobe u da het dr Hene dr Pass hinger ufe Fäbu gspiut. Dä het schön vo usse inezoge, vou dürezoge (ohni Block) u het ä henne Fade quer dür ds Fäud vom Gägner gschlage. Yes!!!

Dank däm klare u schnäue Sieg, hei mir när sogar zäme eis chönne ga zieh :-)

Äs het gfägt u mir hoffe, dass mir ou i Zuekunft witer so guets Volley chöi spiele...

Ä liebe Gruess u bis gli...

Hene, the old man

Zuletzt aktualisiert am Mittwoch, 26. November 2014 um 23:17 Uhr
 
Du bist hier : Start