VBC-Halten

Matchbricht Nr. 16, 21.03.2015 PDF Drucken E-Mail
Geschrieben von: David Schumacher   
Freitag, 12. Juni 2015 um 05:58 Uhr

Gägner: SV Olten 4

Tja, was söu i äch über dä Mätsch schribe?
Zersch Mau äs riise Merci ar Silke. Sie chunnt üs geng cho ungerstütze, füut ds Matschblatt us u tuet zeue - das fing i hen(n)e cool!!! Merci Smile

Dr erscht Satz hät me söue fiume u när im Youtube zeige, ungerem Motto: "So nicht!!!" Zu 17 hei mir da uf d Schnure übercho. Meh sägi lieber nid über dä Satz.

När hets ä Standpouke gä vom Fäbu, jede isch wacher u beweglicher gsi ufem Platz und siehe da: 25:13 gwunne.
Üsser Fäns si gloub o froh gsi, dass mir üs wieder uf ds Volleybau spiele konzentriert hei u miter Ungerstützig vo aune (inkl. de chliine Kids wo scho perkfekt chöi "Hopp Haute" rüefe…), hei mir de o Satz 3 und 4 gwunne.
Berauschend isches sicher nid gsi, aber äs trotz auem gfäggt.

Itz hei mir nächscht Zyschti no üse letscht Mätsch gäge Thal. Das wird de sicher äs ganz angers Spiu u ig hoffe, dass mir dert üsi Hut so tüür wi müglich chöi verchoufe…

Ä liebe Gruess u hoffentlich bis gli...
Hene, the old man
Zuletzt aktualisiert am Mittwoch, 12. August 2015 um 06:58 Uhr
 
Du bist hier : Start